إزاي تفتح متجر أونلاين في مصر خطوة بخطوة

فتح متجر أونلاين بقى أسهل بكتير من زمان. مش محتاج مبرمج ولا ميزانية كبيرة، محتاج خطة واضحة وأدوات بسيطة. في المقال ده هنمشي معاك خطوة بخطوة.

١. اختار منتج واحد تبدأ بيه

أكبر غلطة إنك تبدأ بمية منتج. ابدأ بمنتج أو فئة واحدة انت فاهمها ومتأكد إن ليها طلب، وبعد كده وسّع.

• دوّر على المنتجات اللي الناس بتسأل عليها في جروبات فيسبوك.
• احسب تكلفة المنتج + الشحن + الإعلان قبل ما تحدد السعر.
• اتأكد إن عندك مورد ثابت.

٢. جهّز صور ووصف يبيعوا

الزبون مش شايف المنتج في إيده، فالصورة هي اللي بتبيع. صوّر في إضاءة نهار، على خلفية بسيطة، ومن كذا زاوية. اكتب وصف قصير يجاوب على أسئلة الزبون: المقاس، الخامة، والاستخدام.

٣. افتح متجرك

مع إيزي متجر بتسجّل في دقيقتين، تختار ثيم جاهز يناسب نشاطك، وتضيف منتجاتك. متجرك بيبقى ليه رابط خاص زي yourshop.easymatgar.com تقدر تحطه في البايو والإعلانات.

٤. فعّل الدفع عند الاستلام وواتساب

أغلب الزباين في مصر بيفضّلوا الدفع عند الاستلام. فعّله، وخلّي زرار واتساب ظاهر عشان أي حد عنده سؤال يكلمك على طول.

٥. ابدأ إعلانات صغيرة وقيس

ابدأ بميزانية صغيرة على فيسبوك وإنستجرام، وحط بيكسل التتبع، وشوف أي إعلان بيجيب أوردرات فعلًا وزوّد عليه.

نصيحة: ردّ على كل رسالة بسرعة. سرعة الرد لوحدها بتفرق في نسبة البيع.